Festîvala Kobanîyê ya Navneteweyî ya Sînemayê

Mercên beşdarbûnê:

Pêşbirka Festîvala Kobanîyê ya Navneteweyî ya Sînemayê pêşbirkeke derîvekirî ye li pêş filmçêkiran. Lewma divê kesên beşdar pêgirîyê bi van xalên jêrîn bikin:

– Madeya 1:

Mercên beşdarbûnê:

A- Hemî filmên romanî, belgefilm û anîmasyon, ên ku dirêjayîya wan tevî pêşdîmenê û paşdîmen ji 30 xulekan nabûre.

B – Beşdarvan dikare bi gelek berheman beşdar bibe, eger hemî mercên beşdarbûnê bi cih bîne.

C- Tenê filmên ku di van salan da derhatine tên pejirandin: 2020, 2021,2022, 2023.

D – Divê film bi zimanê xwe yê resen be; ku ne bi îngilîzî be, divê jêrnivîsa îngilîzî li gel be.

E – Divê kiwalîteya filmê ji alîyê dêng û wêneyê va baş be. Komîteya berpirs ya Festîvalê stûbarîya pirsgirêkên teknîkî ranake, eger pirsgirêkek di navbera weşanê da rû bike.

f – Divê film beşdarî ti xuleyên festîvalê yên bûrî nebûbe.

J – Teknîka weşana filmê divê ku di yek ji formatên vîdyoyê de be ku veguheztinê qebûl dike.

H- Divê film û reklama filmê bi kiwalîteya herî baş werin şandin, herwiha hin wêneyên bikiwalîte, ta ku di çalakîyên reklamî da werin bikaranîn.

I- Mafê Festîvalê heye, ku hemî berhemên bidestkeftî bê sînor li her cihî bi kar bîne.

G- Ne stûbarîya Festîvalê ye, ku berhem bi derengî bigihin. Çi berhema piştî 01.07.2023an were, nayê pejirandin.

K- Divê destûrnameya pêşkêşkirina filmê bi destan were dagirtin.

L- Her filma ku mercên beşdarîyê bi cih neke, nayê qebûlkirin, û herwiha sedemên neqebûlkirinê nayên gotin.

M- Piştî şandina filmê, beşdarvan nikare filma xwe ji festîvalê kaş bike, herwiha nikare guhertinan lê kêm û zêde bike.

– Madeya 2:

Maf û Xwedîtî

A- Beşdarvan soza mafê xwedîtîya giştî ya filmê dide yan jî destûrnameya wergirtina mafê xwedîtîyê ya kesê sêyem dide pêş.

Madeya 3

Pejirandin û çespandin

A- Beşdarnameya di bernameya fermî ya Festîvala Kobanîyê da wek pejirandina bi hemî merc û şertan tê hesibandin.

B- Beşdarvan dipejirîne, ku Festîval stûbarîya ti kêmasî yan pirsgirêkên zagonî bi çi rengî be ranake. Herwiha Festîval xwe nake bi stûbarîya pirsgirêkên navborî ji alîyê aborî va jî.

C- Beşdarvan dipejirîne, ku ev merc û şert parçeyekî atomî ne, lewma her tiştê ku di soznameyê da hatî, ji forma beşdarîyê nayê parçekirin.

Madeya 4

Sîyasta Festîvalê

A- Ji mafê Festîvalê ye, ku reklama beşdarîya filmên beşdar bike.

B- Ji mafê Festîvalê ye, ku kopîyekê ji filmê ji desteya biryardar ra bişîne; bi armanca nirxandina filmê.

C- Ji mafê Festîvalê ye, ku derfetê li ber cemawerên xwe veke ji bo lê temaşekirina filman.

D- Ji mafê Festîvalê ye, ku ku hin parçeyan ji filman wek reklam bi kar bîne.

E- Ji mafê Festîvalê ye, ku sedemên nepejirandina filmekê nede xuyakirin.

F- Encamên fermî yên Festîvalê dê di nîvê heyva 8an werin xuyakirin.

G- Ji mafê Festîvalê ye, ku dema pêşkêşkirina filman biguherîne.

Madeya 5

Tomarkirin

A- Divê forma beşdarîyê were dagirtin û di maweya jorîn da were şandin.

Madeya 6

Biryar

A- Eger film mercên borî bi cih neyîne, ji mafê Festîvalê ye, ku beşdarîya filmê pûç bike bêyî ku Festîval xwedîya stûbarîyekê be.

Madeya 7

Çavdêrî

A- Bêyî mafjêgirtina ji xwedîyê filmê, film nayê jêbirin û guhertin herwiha ti pêguhertinên dîtir lê nayên kirin.